အထက၄အလုံကျောင်းသား/သူဟောင်းများအသင်း၊ကျန်းမာရေးစောင့်ရှောက်မှုကော်မတီ၏ အငြိမ်းစားဆရာဆရာမများကို ပုဂံဘုရားဖူးအစီအစဉ်ခရီးစဉ် ၁၁၅မိုင် Pioneer Restaurant တွင် ညစာစားသုံးခဲ့ကြပါသည်၊ 8-1-2018
၂၀၁၈ ဇန်နဝါရီလ အတွက် (၂၈)ကြိမ်မြောက် ကျန်းမာရေးကူညီစောင့်ရှောက်မှု ဆေးပေးခန်းကိုယနေ့ မနက်၈နာရီ မှစတင်ကာ နေလည်၁၂နာရီအထိ ဖွင့်ပြီးကျင်းပခဲ့ပါသည်။ (၂၈)ကြိမ်မြောက် ကျန်း/စောင့်ပွဲကို ၁၉၇၀-၇၁ ခုနှစ် ကျောင်းသားဟောင်းများမှ တစ်လစာအလှူငွေ ၁,၀၀၀,၀၀ဝိ/(တစ်ဆယ်သိန်းကျပ်တိတိ) ကို ကျန်းစောင့် ကော်မတီဥက္ကဌ နှင့် တာဝန်ရှိသူများကိုလှူတန်းခဲ့ပါသည်။ကွယ်လွန်သွားသော ကျောင်းသားဟောင်းအသင်းအလုပ်အမှုဆောင်ဟောင်း ဦးစိန်သောင်အား ရည်စူးပြီး အလှူငွေကျပ် ၂၀၀,၀၀ဝိ/ (နှစ်သိန်းကျပ်တိတိ) အားကျန်ရစ်သူ ဇနီးနှင့်သ မီးမှ လာရောက်လှူတန်းသွားပါသည်။ ဆေးပေးခန်းသို့ အငြိမ်းစားဆရာကြီး/ဆရာမကြီး (၆၂)ယောက်မှ တက်ရောက်ကုသခံခဲ့ပါသည်။ ဆရာ/ဆရာမကြီးများကို ကျောင်းသား/သူဟောင်းများဖြစ်ကြသော ဒေါက်တာ အောင်မွန်ကျော်၊ဒေါက်တာ ညီညီကျော်၊ဒေါက်တာ ကောင်းမြတ်ကိုကို၊ဒေါက်တာ နှင်းနုနုဆွေ၊ဒေါက်တာ အောင်ထွန်းဦး တို့မှ ဆေးကုသပေးရင်းစောင့်ရှောက်မှုပေခဲ့ပါသည်။ ယနေ့ ကျန်း/စောင့်ပွဲကို တက်ရောက်လာကြသော ဆရာ/ဆရာမကြီးများနှင့် လာရောက်ကူညီပေးကြပါသော ကျောင်းသား/သူများကို နန်းကြီးသုပ်၊ရှမ်းခေါက်ဆွဲ နှင့် Horlicks ဖျော်ရည်များကို ကျွေးမွေးဧည့်ခံခဲ့ပါသည်။ ...
Comments
Post a Comment